Os alumnos de ACME

Desde o 2003 traballo en ACME Galicia, sendo Xefe de estudos do centro de formación especializado en tecnoloxías Apple, en Santiago de Compostela. Durante ese tempo polos  nosos cursos e Masters pasaron centos de alumnos e alumnas con diferentes perfís e inquedanzas, a meirande parte galegos, pero tamén chegaron alumnos/as de Brasil, Venezuela, Cuba, México ou Italia…

Quero pensar que a maioria quedaron satisfeitos dos nosos cursos… Se non fose así recoñezo que o nível que se nos esixe é elevado, que intentamos mellorar cada día e que nos esforzamos ao máximo.

Velaquí a proba de que moito do noso (voso) esforzo ten  recompensa, no Youtube de ACME comezamos a publicar a serie completa de entrevistas a antigos alumnos que quixeron contarnos ás suas experiencias durante os cursos e o que están a facer na actualidade. Con este post quixera tamén deixar constancia do meu agradecemento a todos os alumnos/as de ACME asemade como a todos os nosos profesores e creativos.

Anúncios

Obrigado Steve

A semana pasada faleceu Steve Jobs. Unha das persoas que nas últimas décadas estivo na avangarga da tecnoloxia aplicada, gurú, mago, self-made-man, executivo despiadado que chegará a dividir Apple en dous grupos de traballo en competición ou guerra interna da que sairia en 1984 o primeiro MACINTOSH

Steve idolatrado polos consumidores do iPhone, Mac ou iPad e odiado polos seus competidores finou dunha durísima enfermidade.

Steve formava parte do mellor dese controvertido país quen de producir verdadeiras obras de arte tecnolóxicas que son instrumentos para o desenvolvimento cultural e o medre económico e ao mesmo tempo converter-se no meirande enxendro imperialista quen de desencadear guerras coma Vietnam ou Iraque e escravizar ao terceiro mundo con políticas desquiciantes. Unha das suas frases célebres que estes dias encheron coma TT o Twitter pode resumir a sua personalidade “é mellor ser pirata que se alistar na Marina dos Estados Unidos”. 

Steve mellorou sempre todo aquilo que tocava...Next, Pixar ademais de Apple foron as suas contribucións á iniciativa tecnolóxica.

Poucas cousas poderia dicer eu á marea de mensaxes e obituários que encheron a rede nesta semana… só que desde a experiéncia enriquecedora de promover as tecnoloxias Apple desde hai máis de 8 anos, e a perspectiva de quen defenderia o GNU e o Software libre baixo licencia publica xeral desde un ponto de vista ideolóxico, vistas declaracións coma as de Richard Stallman, non podo máis que manifestar a miña tristura polo pasamento dunha persoa tan brillante coma controvertida. Sobretodo cando un ten o convencemento que a maioria das directivas das grandes empresas tecnolóxicas multinacionais son aves de rapiña que non saberan que facer cando xa non haxa cadavres. A non ser devorar-se a si mesmas.

O mundo perdeu un ser humano excepcional. O seu legado non son os iPhones, nen os iPad, senón o seu espírito de traballo e inovación constante contra vento e marea.

Steve Jobs cun Macintosh nos anos oitenta

Steve Jobs nos anos oitenta cun Macintosh.

Por unha Nova Arquitectura

Desde que estou implicado na rehabilitación da casa de labranza dos meus antergos e no proxecto de reurbanizar e construir vivenda na eira familiar comecei a interesar-me por outro tipo de arquitectura.

Da mao  de Estebán Canabal, un Arquitecto Alemán afincado en Galiza e de descubrir a filosofia de xente coma Norman Foster e  a construcción da axenda verde, creo que realizar construccións ecolóxicas e adaptadas ao médio ambiente é unha das mellores formas de contribuir ao futuro do noso país e das xeracións vindeiras.

Nada que ver con Eiseman…e a sua cidade faraónica

Visita á Cidade da (in)cultura no Monte Gaiás.

Toxos medrando na cidade da cultura. Agosto 2011

Neste mes de agosto tiven a oportunidade de visitar os edificios xa rematados do Mausoleo de Manuel Fraga, malchamado “Cidade da Cultura” e onde xa se defuntaron máis de 500 millóns de euros ( case cinco veces o que custou o Museu Gudeguggenheim de Bilbao) cos que se poderian construir 4 hospitais similares ao Hospital Clinico Universitário de Santiago.

Incluso foi unha ocasión para convidar a familiares provintes dun lugar da Andalucia profunda, onde o desemprego agora fai estragos quizá ainda maiores que nesta a nosa terra, e despois da visita obriga a Catedral e centro histórico compostolán acheguei-nos a “Cidade da Cultura”. Comparando a desfeita galega co despilfarro da Expo de Sevillla (que ascendeu a 450 millóns de euros só a construcción do recinto feiral) paseamos polo Monte Gaiás pasmados polo impresionante dos edificios ao lonxe, a sua integración con Monte e o total desaproveitamento dos mesmos.

Unha triste exposición de Máquinas de escrever e un concerto de Música antiga pretenden encher edificios descomunais, chantados para asombrar e nada mais, sen uso, a Biblioteca destaca por carecer de libros ( os seus fondos son ridículos e están expostos para encher estantes  de xeito aleatório ) ainda que si  conta con butacas de 500 euros, por carecer de usabilidade para discapacitados ( por moito que nalgures seguro que existen ascensores agachados ) todo son pasillos longuísimos con escaleiras, espazos inmensos desaproveitados, valeiros…

Organización vs deseño. Biblioteca da Cidade da Cultura 2011

Organización vs deseño. Biblioteca da Cidade da Cultura 2011

Así que o meu paseo nunha preciosa tardiña de verao só serviu para confirmar as miñas opinións sobre o tema. Incluso os edificios xa construidos poderian ter un uso e usabilidade moito maior. O estado do parking é vergoñento, o despilfarro nos materiais exteriores contrasta cos cutres  PCs  (windows xp ?) do interior e o desaproveitamento xeral . Os sofás coa evidéncia de que as estanterias están sen libros. Ninguén dá a benvida ao chegar. Non hai letreiros por fóra. Todo moi minimal. Menos os orzamentos pagados por todos os galegos.

Algúns Links relacionados coa desfeita do Gaiás:

As webs da TVG

Esta Semana a CRTVG inagurou a “bombo e plantillo” o seu novo site corporativo www.crtvg.es que mellora notabelmente o anterior cun deseño minimalista e usabel.

Aspecto do novo Site da CRTVG

Mais segue a manter agalega.info como Portal onde se poden ver todos os videos dos Telexornais e outros programas pero obtando neste caso por colgar directamente TODOS os videos  nun só formato wmv de Windows. Nen sequera se toman a molestia de informar sobre a tecnoloxia usada nen de facilitar a descarga dos Codecs de Video para Mac ou outras plataformas, polo que en moitos dispositivos e ordenadores non podemos ver os Telexornais via web…

Os videos da galega só en formato windows

A Galega opta polo formato Windows sen advertir aos usuários

Tampouco perdemos moito ou ?